დღე 9

დასრულდა..ძალიან მნიშვნელოვანი და  საინტერესო ტრენინგი ,, ინტელის ძირითადი კურსი-პროექტებით სწავლება".
მიხარია,რომ მონაწილე ვიყავი ამ დიდი ,,სამზადისის" . უამრავი საჭირო ინფორმაცია გავიგე და ბევრი რამ ვისწავლე..მიღებულ ცოდნას აუცილებლად გამოვიყენებ ჩემს პრაქტიკაში! და ბოლოს..
p.s. მე მიყვარს ჩემი საქმე:)

პროექტის პორტფოლიო

,,კაი ყმა" პროექტის პორტფოლიო

დღე 8

 დღევანდელი დღე ძალიან მნიშვნელოვანი და საინტერესო აქტივობებით იყო დატვირთული,შევქმენით პროექტის ფასილიტაციის დოკუმენტი,დავასრულეთ მუშაობა პროექტის გეგმაზე. მოუთმენლად ველი ხვალინდელ დღეს.ყვლაზე საინტერესო დასასრულს:)

დღე 7

მორიგი საინტერესო დღე..ამჯერად  ვიმუშავეთ მასწავლებლის თვითსეფასების რუბრიკაზე;შევქმენით მოსწავლეთა მხარდამჭერი დოკუმენტის პრეზენტაცია,გავაანალიზეთ დიფერენცირებული სწავლების თავისებურებები.
ჩვენს ბლოგებზე ავტვირთეთ სასწავლო რესურსების ბმულები,რამაც კიდევ უფრო დამშვენა ჩვენი გაპრანჭული ბლოგები:)

პროექტის გეგმის პრეზენტაცია

დღე 6

 კიდევ ერთი საინტერესო დღე გვქონდა..ვისწავლეთ კომენტარების გაკეთება დოკუმენტებში;ჩვენი პროექტის გეგმაში გავწერეთ მოსწავლეთა საბაზისო უნარები.შევიმუშავეთ მოსწავლეთა შეფასების რუბრიკები და დავიწყეთ პროექტის ფარგლებში, მიმდინარე აქტივობების გაწერა,დავასრულეთ მოსწავლეთა სავარაუდო ნამუშევრის შექმნა.
p.s.ამდენი ცოდნისა და შრომის შემდეგ, ველოდები ძალიან საინტერესო და  სასარგებლო პროდუქტს:)

დღე 5

საინტერესო დღე იყო..განახლებული და ახალი ენერგიით შევუდექით ტრეინინგის სამუშაო დღეს,განვიხილეთ შეფასებების დოკუმენტი, რომელიც მოსწავლეთა ნამუშევრებს შეეხებოდა.გავაგრძელეთ პროექტის გეგმის შევსება; ასევე ვისაუბრეთ ციტირებულ დოკუმენტებზე.
ვისწავლეთ youtube-დან ვიდეოს ატვირთვა ბლოგებზე;
 დავიწყეთ მუშაობა მოსწავლის სავარაუდო ნაშრომზე და ვაწარმოოეთ ჩეკლისტის შეფასების დოკუმენტი.
p.s. უფრო და უფრო  მნიშვნელოვან  და საინტერესო  ფაზაში გადადის  ჩვენი ტრეინინგი :)

დღე 4

 ჩვენი ტრეინინგი კიდევ უფრო საინტერესო ეტაპზე გადავიდა, ვაგრძელებთ პროექტის გეგმის შევსებას,ჩამოვაყალიბეთ მიმართულების მიმცემი კითხვებ.გავწერეთ პროექტისთვის ძირითადი აქტივობები და რესურსები.დავიწყეთ  Power Point-ში მუშაობა,პრზენტაციების ასაწყობად.
P.S.რა დამავიწყებს ამ ტრეინინგს, სახლშიც კი პრეზენტაციებზე მუშაობა მიწევს :)

დღე 3

დღესაც,ისევე როგორც ყოველთვის, შრომატევადი და ნაყოფიერი სამუშაო დღე იყო.. დავიწყეთ პროექტის გეგმის შევსება, მოვარგეთ ჩვენი სასწავლო მიზნები ეროვნულ გეგმასა და საგნობრივ სტანდარტს.ვიმუშავეთ,,გუგლ დოკებში" და გავაზიარეთ დოკუმენტი კოლაბორაციული,ონლაინ თანამშრომლობისათვის.გავაკეთეთ ჩანართები საკუთარ ბლოგებზე.
p.s.მე მომწონს ეს ტრეინინგი:)

დღე 2

 ტრეინინგის დასაწყისში ვისაუბრეთ განსახორციელებელ პროექტებზე,განვიხილეთ მშობელთა მოტივირების სტრატეგიები.ვიმუშავეთ პროგრამა word-ში,ვნახეთ მზა შაბლონები ელ.სახელმძღვანელო,,ვიუერში".
  შევქმენით ,,ბროშურა მშობელთათვის",რომელიც შევინახე ჩემს ელექტრონულ საქაღალდეში ,,სასწავლო პროექტების დამხმარე".
 p.s. ძალიან შრომატევადი დღე იყო:)

დღე 1

 დღეს ინტელის ტრენინგი,პროექტებით სწავლება,"დაიწყო. ტრენინგის დასაწყისში ტრენერმა ,ნათია მაისურაძემ, გაგვაცნო   შესასწავლი კურსის მიზნები და ამოცანები.გვესაუბრა ტრენინგის მნიშვნელობასა და დანიშნულებაზე.
  შესავალ ნაწილში ვნახეთ ინტელის სასწავლო ვიდეო,ტექნოლოგიების გამოყენების შესახებ. გავეცანით ინტელის ელექტრონულ სახელმძღვანელო ,,ვიუერს". გავეცანით 21 საუკუნის უნარ-ჩვევებს.შევქმენით ელექტრონული საქაღალდე.
დავსახეთ სამომავლო გეგმები..
 მე დიდი მოლოდინები მაქვს აღნიშნულ ტრეინინგთან დაკავშირებით :)

პროექტი - ლიტერატურული კლუბი კარცერი-ლუქსი

პროექტის სახელწოდება: ,,კარცერი ლუქსი“

პროექტის აქტუალობა:
                                         სასკოლო ლიტერატურული კლუბი  იქნება ერთგვარი         შემოქმედებითი  სახელოსნო,სადაც ლიტერატურის მოყვარული ადამიანები ერთმანეთს გაუზიარებენ საკუთარ იდეებს.ლიტერატურულ პრიორიტეტებს.

პროექტის მიზნები:	Ø	ხელი შეუწყოს მოსწავლეებში ლიტერატურისადმი ინტერესის გაღვივებას;
	Ø	სწავლისადმი მოტივაციის ამაღლებას;
	Ø	ანალიტიკური და ლოგიკური უნარების დახვეწას;
	Ø	ქართული და უცხოური ლიტერატურის გაცნობას;
	Ø	თანამშრომლობითი უნარების განვითარებას;

მონაწილეთა ასაკი : 14 – 16 წელი;

ვადები/ხანგრძლივობა: 1 თვე

მოსალოდნელი შედეგები/პროდუქტები,რაც შეიძლება შეიქმნას:

                                        ლიტერატურული კლუბის ფარგლებში  მოსწავლეები შექმნიან თემატურ კედლის გაზეთებს, პრეზენტაციებს,ფოტო და აუდიო მასალას,შეიქმნება ლიტერტურული კლუბის ამსახველი ვებ-გვერდი;

პროექტისათვის საჭირო ძირითადი რესურსები:  საკონფერენციო დარბაზი აღჭურვილი მატერიალურ-ტექნიკური რესურსით,კომპიუტერი,პროექტორი, ციფრული აპარატი, ვიდეო კამერა,ფორმატის ქაღალდები,მარკერები,ფერადი ბარათები;

პროექტის მსვლელობა: ლიტერატურულ კლუბში განხორციელდება წაკითხული ნაწარმოებების განხილვა, პრეზენტაციები,დისკუსიები,ესეების წერა,გაიმართება ლიტერატურული მარათონები და ვიქტორინები;

საგნებთან/საგნობრივ ჯგუფებთან/ეროვნულ სასწავლო გეგმასთან კავშირი: 

 IX.1. მოსწავლეს შეუძლია მოისმინოს და აუდიტორიის წინაშე წარმოადგინოს სხვადასხვა თვალსაზრისი სადავო ან პრობლემურ საკითხზე.

                                        იყენებს არგუმენტაციის სხვადასხვა ფორმას(მიზეზ-შედეგობითი,ანალოგიაზე ან ინდუქციაზე დამყარებული არგუმენტები);

IX.5.მოსწავლეს შეუძლია დისკუსიისა და კამათის სტრატეგიების გამოყენება.

                                         ითვალისწინებს დისკუსიისა და კამათის მონაწილეთა შესაძლო არგუმენტებს და ამზადებს შესაბამის პასუხებს;

IX.9.მოსწავლეს შეუძლია საკუთარი თვალსაზრისის წერილობით გადმოცემა;მოცემულ საკითხზე განსხვავებული შეხედულებების შეჯამება.
  გამოხატავს საკუთარ დამოკიდებულებას ტექსტში ასახული                            პრობლემების მიმართ მისთვის სასურველი ფორმით
(მოთხრობის,ნოველის,ესეის,ჩანახატის,ლექსის და ა.შ)

პროექტის ხელმძღვანელი (მასწავლებელი) ნანა დონაძე

ხელმძღვანელის ელ.ფოსტა: nanuka.donadze@gmail.com

პროექტის ვებ-გვერდი: 

gomissajaroskola.blogspot.com/